تحدث الإعلامي أحمد موسى، عن واقعة عدم ظهور سيد عبد الحفيظ مدير الكرة بالنادي الأهلي، في الممر الشرفي الذي نظمه لاعبي الزمالك للاعبي الأهلي بعد الانتهاء من مباراة نهائي الكأس، قائلا: «نسأل الأول سيد عبد الحفيظ عمل ليه كده قد يكون أخطأ وليه وجهة نظر، ممكن الكابتن سيد شاف إن الممر زحمة».
ووجه موسى خلال برنامج على مسئوليتي، المذاع على قناة صد البلد، «لازم لما نيجي نشوف الصورة نشوفها كاملة وشوف اللي حصل من لاعبي الزمالك في عام 2019، نادي الزمالك كله الأهلي عمله ممر نادي الزمالك مدخلش الممر، ومطلعش حد اتكلم ، الزمالك وقتها دخل أوضة اللبس، اتكلم بحياد كروي، بتكلم روح رياضية الزمالك عمل غلط وسيد عمل غلط بنتكلم ،على روح رياضية متاخدوش الحاجة اللى عاجبكوا تعالى على كل حاجة علشان المصدقية والأمانة».
وطالب موسى، التوقف عن الحملات الممنهجة وبناء الثقة والعمل دون تحيز، قائلا:" لو في خطأ لازم نقول عليه ونصحح المفاهيم اللي عندنا عن كرة القدم وإصلاح المنظومة والرياضة في مصر تحتاج إلى إصلاح ونبطل تجاوزات".